宿敵

maxresdefault (1).jpg lookcard-01.png

提起籃球大家第一個諗到邊個?係啦,Jordan、Kobe、Mcgrady、Iverson、 James 、Shaq …. 相信各位讀者都有自己心目中英雄或偶像級人選。

大家好呀,自我介紹一下,我都一個玩世不工嘅肥仔,你地可以叫我做阿CLEAN因為我月月清。由今期開始,會同大家講一系列的籃球資訊與大家分享和回味。

今期我肥仔籃球員就會講下1985年亞特蘭大的老鷹主將 Dominique Wilkins, 相信好多年輕嘅球迷,都未必知道佢係邊個,但係其實佢曾經是MICHAEL Jordan其中一個難纏嘅對手,當年NBA俾佢嘅花名叫人體精華片段Human Highlight。

其實早在1985年嘅入樽大賽佢哋就開始咗佢哋嘅宿命對決,然而當年嘅入樽大賽冠軍係 Dominique Wilkins,但往後87、88年都係由Jordan 拿下入樽大賽嘅冠軍,直至到1990年Dominique Wilkins 才拿下生涯嘅第二次入樽大賽冠軍。但Dominique Wilkins並非只係入樽勁,其實佢嘅平均數據都非常之驚人。Wilkins加入老鷹隊之後第一年以平均17.5分及5.8籃板的成績獲選新人王,係幾年之後在1985-86年球季,平均每場得分30.3分,也在當年成為聯盟嘅得分王,並且獲選入年度第一對。

雖然老鷹隊喺Wilkins嘅帶領下也有非常不錯嘅表現,但他仍沒法帶領球隊更上一層樓。

雖然在季後賽佢嘅表現一樣出色,但最後都係無功而回。甚至係1990年同1992年嘅賽季同季後賽絕緣。最可惜係1992年佢同Isiah Thomas成為當時中槍落馬嘅遺珠。之後輾轉再去左幾個NBA球隊,最後就轉戰希臘及意大利,而佢亦都為佢喺希臘效力嘅球隊拿下國家盃以及歐洲錦標賽冠軍。但最後於1999年在魔術隊結束籃球生涯。

另外,相信依家好多球迷都會玩NBA 2k 系列嘅籃球遊戲,而近呢幾年生產商,加入左大量經典嘅球隊和球員,而當Wilkins決效力嘅老鷹亦在其中,唔知大家有冇留意到呢。而我亦都係呢個遊戲嘅忠實粉絲,然而Wilkins喺遊戲當中係我必定會用嘅人選。同時喺遊戲裏面其中一個模式就係可以組織自己嘅球隊購買自己嘅球員,而Wilkins一定係我嘅首嬰選擇之中。而 Air Jordan 亦喺2013年推出 “Human Highlight Film” Air Jordan 1 Retro High OG向 Wikins 致敬。

往後幾期,我肥仔籃球員會同大家講吓和分享吓,NBA 2K系列嘅遊戲,而My Team模式就是我最愛。如果各位讀者特別想知道邊一個球員嘅歷史和經歷,可以email話俾我哋知,一齊分享吓。

宿敵

https___hypebeast.com_image_2013_09_air-jordan-1-retro-high-og-human-highlight-film-00 copy.png  8175i2.png 1985-dominique-wilkins-brooks-shoes.jpg

Read more