精益求精

偉龍馬路公屋項目,因為政府想大家住得舒服啲,最近失驚無神拋出兩個新方案,但唔喺畀大家揀,因為政府表明唔會再公開諮詢,當然,搞一輪諮詢又唔知要拖到甚麼時間才能動工。不過政府心大心細,揸唔定主意,原本司長話短期內會有定案,屆時會將政府決定的方案上載網頁,公告天下。不過,近日司長又話要等到兩個新方案完成環評,再視乎報告內容選擇採用哪一個方案,但一等要等到年尾,夠究想起定唔想起,會唔會爛尾?

根據政府之前所指,方案一只是原規劃的補充方案,方案二則是重新規劃,若選擇方案二才會開展環評。要是後者環評未能通過,又將如何選擇呢?目前先完成各方案的環評,才按數據去下決定,做法更為合理。精益求精,未嘗不是一件好事,畢竟涉及到幾千戶居民的生活。事實上,早就該這樣做,如今再次反映出政府在公屋項目規劃上的粗疏,一開始未考慮清楚,這些所謂土地儲備今時唔同往日的說法,不過是借口而已。

夠竟哪一個方案好,一般市民點會知到?既然政府主調重質不重量,相信大家都唔會有太大異議。偉龍馬路公屋項目最大問題始終在環評身上,社會一直有意見認為此地段環境不宜建公屋,今次政府提出新方案減少單位數量,說是希望完善居住環境,但前提很大程度是環境未能滿足太多單位。雖然,原規劃項目中的公共設施工程已經進行中,按理不會重新選址,不過世事無絕對,一切待年底環評報告才有分曉。

山草