智能到擾民

近年,特區政府積極推動智慧城市建設,智能離不開科技,政府亦正制定稅務優惠,希望協助本澳科創業發展。未來會是如何,此刻不得而知。電子政務,電子支付,倒是現在政府最落力推行的。提到付費,目前有各式各樣電子支付工具,包括電子貨幣、電子錢包,又是一部手機可以搞掂哂,無需再袋散紙出街。最近,政府更協調金融機構推出“聚合支付” 服務,令在本澳使用移動支付更加方便快捷。

支付方式推陳出新,然而,收錢不一定好智能。不知所為何事,近日全澳多區泊車咪錶突然發生故障,令到一眾車主好頭痕,泊又唔喺,唔泊又唔喺。咪錶公司急忙搶修,仲好快咁話不排除黑客所為,喺定唔喺,有待調查,但修復工作就無咁快,起碼要花幾日時間。全澳咪錶位為配合政府智慧城市建設,早於一八年已全面更改「一錶多管」的智能電子咪錶,入錢又得,嘟卡又得。不過更換之初就便大眾嘲諷「低能」,皆因唔識收錢,一喺就食錢!

事實上,呢款智能咪錶一直存在大大小小故障問題,去年更發生過無法使用第一代澳門通的鬧劇,全因系統未更新或升級,除涉及收費公司和支付公司之間溝通協調外,各自對自身產品在市民運作的管理同樣出問題。今次咪錶如此大規模冧機,系統安全管理點講都喺有問題。當然,故障期間不當違例泊車,車主一定無問題,但這樣一搞,其實十分擾民,有關公司需要認真檢討,當局也要執行監督的職責,避免事件再發生。

山草