思前想後

騙案一直多,手法花樣百出,其中網騙的出事率相當高,而最近發生的詐騙事件更是千其百怪。早前,一名男子為懷疑墮網戀損失二十萬元的母親,抽出「負心漢」,竟然相信前同事能為其追緝騙徒,對方訛稱認識內地有勢力人士,並透過手機軟件在背後整蠱作怪,氹得男事主以為真係有偈,仲畀埋「調查費」,結果阿媽中招不特止,連阿仔都跟住領嘢,損失四十八萬元,更為慘重!其實,就算真係搵到人,錢都未必攞得番,何不報案交警方調查。

人心難測,阿媽已信錯人,阿仔該學懂帶眼識人。網上和現實世界同樣有壞人,做每件事既要思前,也要想後,咪停留在祈福黨年代咁落後,否則幾十歲人都會誤交到網上損友。之前,就有一名七十歲女子,在社交平台認識自稱在美國任職石油工程師的男子,對於對方訛稱需要資金更換工程零件,先後多次哄騙女事主匯款共逾二十一萬元,女事主曾被銀行職員勸阻,但仍透過兒媳匯款,究竟係女事主傻,定係家人忽略咗?最後還是報案求助,當初可解唔想清諗楚。

在網絡世界中,想入菲菲的人又豈止一個!前陣子,一名大疊水的本地男子,便墮入網上援交詐騙陷阱,多年來“預繳肉金”下被呃走合共一千多萬元,可算經典。騙案的受害人,很多時候為咗一個不相識的人,甚至一面都未見過的人,何以不加思考便奉上大筆金錢,多少以為可以得到所要的「回報」。行騙的也看透這一套,所以必定投其所好。一名應屆男畢業生就疑因搵唔到工做,連提供同性性服務都想到,當然,詐騙才是最大的企圖。

山草