的士加價

為打擊的士違規亂象所立的新法,起到了立竿見影功效。交通局證實了首舉「紅牌」,將一名四犯的士佬駕駛員證註銷「趕離場」,且三年後才准重新考牌。的士問題過去一直困擾濠江,招來不絕罵聲,令小城蒙上污點,相信今次交局的做法,料必起到殺雞儆猴之效。

今時今日提供「咁優質」嘅服務態度之下,有關行業還敢向政府申請加價!由現時起錶十九元提升至廿二元,且所提出的論點更是難於讓人苟同。據該行業代表稱,搭的士乘客主要是旅客外來人,所佔的比率高達九成,故加價影響唔到本地市民。

從表面數據嚟睇喺啱嘅,本地人口少難於與旅客大軍作對比。不過,市民真喺唔想搭的士咩?非也,實情喺想搭都無用。因為的士一般只穿梭於賭場、酒店及旅遊景點區,反觀城內其它區域,想搵部的士卻甚艱難,咁請問各位司機大佬,喺啲市民唔想搭定喺你哋唔想車呢?

雖說,喺現時的環境下,油價、人工、車租等乜都貴,的士要生存加價亦無可厚非,但不應以唔會影響市民作借口。若做得好的話,加咪加囉,理直氣壯,使乜搵藉口呀。夠膽嗎?

山草

的士加價